Освен Мијалков, инфекција со ковид-19 пријавиле и тројца адвокати: Петар Василев, адвокатот на Мијалков, Гордана Нацева (адвокатка на Ненад Јосифовиќ) и бранителот на Камчев, адвокатот Гоце Ристевски.
Другите обвинети, освен Никола Груевски кому му се суди во отсуство, беа дојдени на рочиштето на кое требаше да сведочат
Дејан Митревски – Урко и поранешниот генерален секретар на ВМРО-ДПМНЕ, Кирил Божиновски кој беше присутен во судницата.
Обвинението кое го застапува обвинителката за гонење организиран криминал и корупција Лиле Стефанова се однесува за наводни злоупотреби со земјиште кое го купил поранешниот премиер Никола Груевски на Водно за околу 1,3 милиони евра, пари за кои е обвинет дека ги зел од членарините и донациите на ВМРО-ДПМНЕ. Освен имотот на Водно, обвинението опфаќа и два стана во главниот град и две парцели во Крушево.
На првообвинетиот Груевски му се суди за делата перење пари и противправно стекнување и прикривање имот, а на бизнисменот Јордан Камчев, неговата мајка, како и на Новачевски и Јосифовиќ за перење пари. Мијалков е обвинет за помагање во делото перење пари.
Рочиштето за „Плацеви на Водно“ се одложува за 24-ти јануари годинава.