Поранешниот шеф на Управата за безбедност и контраразузнавање, Сашо Мијалков вечерва околу 19 часот го напушти КПД „Скопје“ во Шутка по денешната одлука на Апелација за укинување на притворот што минатата недела му беше определен за предметот „Плацево на Водно“ и добивањето можност да се брани од слобода.
По напуштање на затворот во Шутка, тој кусо порача „Не бегам бе, зошто да бегам“, како одговор на новинарско прашање пред да влезе во автомобилот со кој замина.
За укинување на притворот и можноста да се бран и од слобода, адвокатскиот тим на Мијалков понуди гаранција од 11 милиони евра.
Мијалков беше во притвор од 26 февруари оваа година по изрекувањето на пресудата за предметот „Таргет-Тврдина“ за кој е неправосилно осуден на 12 години затвор додека во април доби и дополнителни осум години затвор за случајот „Трезор“.