Нуркачите денеска ја продолжија спасувачката операција со висок ризик за извлекување на преостанатите осум момчиња членови на фудбалски клуб и нивниот тренер од пештерата во Тајланд од која вчера беа извлечени 4 деца.
Момчињата се пренесени во болница, а мисијата била прекината во текот на ноќта за да бидат заементи контејнерите за воздух.
Единаесет деца на возраст од 11 до 17 години и нивниот тренер се заробени во пештерата Там Луанг од 23. јуни, откако обилните дождови предизвикаа поплави. Тие беа пронајдени минатата недела од нуркачите.
Спасувачите се во трка со времто да ги ослободат децата поради стравувањата дека нивото на водата повторно ќе се зголеми, поради сезоната на дождови во Тајланд што веќе започна.
Првата фаза од опасната мисија се оценува дека поминала “непречено”, а спасените момчиња се во “добра здравствена состојба”, соопштија тајландските власти.
Но, поради поројните дождови во текот на ноќта и предвидувањата за наредните денови, нуркачите ќе треба да работат брзо за да ги ослободат преостанатите осуммина.
Во саботата, гувернерот на провинцијата Чианг Раи, рече дека тимовите имаат рамка од три до четири дена за да ја извршат својата работа.
Како течеше операцијата
Тим од 90 нуркачи – 40 од Тајланд и 50 од странство – работат на целата операција која вклучува анализа на целиот пештерскиот систем и на самото извлекување
Операцијата опфаќа извлекување на децата преку темните и главно поплавени премини до излезот на пештерата на Там Луанг.
Доаѓањето до самото место каде што се момчињата и движењето до излезот е исцрпувачки круг дури и за искусни нуркачи.
Процесот вклучува дел одење, качување и нуркање, и сето тоа поврзано со јажиња.
Секое момче носи маска, кои се како за почетници, за разлика од традиционалните респиратори и е придружувано од двајца нуркачи, кои исто така ги носат и боците со кислород.
Најтешкиот дел се наоѓа на околу половина пат во делот наречен “Т-раскрсница”, кој е толку тесен што нуркачите мора да ги тргнат боците со кислород за да се пробијат.
Во самата пештера има дел наречен Комора 3 – која е претворена во база за нуркачите и каде момчињата можат да се одморат пред да го нарават последниот напор и полесно да се движат кон излезот.
Доказ за тоа колку мисијата е опасна, е трагедијата што ја одбежа оваа мисија – загинувањето на поранешниот тајландски морнар Саман Гунан во петокот, додека се враќал од мисија да ја обезбеди групата со резервоари за кислород.
Тој останал без воздух, изгубил свест, и лекарите не можеле да сторат ништо. По оваа несреќа, неговите колеги велат дека нема да дозволат нивниот пријател да биде жртва залудно.
Како децата се најдоа во пештерата
Момчињата беа пронајдени во пештерата од страна на британски спасувачи пред една недела, на длабочина од околу 4 километри од влезот во пештерата.
Сите се на возраст меѓу 11 и 17 години и припаѓаат на фудбалскиот клуб „Диви свињи“ и тргнале на екскурзија со нивниот тренер.
Властите првично сметаа дека групата можеби ќе мора да остане таму каде што е се до завршување на сезоната на дождови – а тоаби можело да значи и повеќе месеци под земја.
Исто така, се размислувало и за дупчење во пештерата и на друг начин да се дојде до внатрешноста.
Но, предвидувањата се дека сезоната на дождови која штотуку започна следните денови ќе донесе многу повеќе дожд, а за другите начини на извлекување е потребно подогло време.