СДСМ покажаа дека се алчни за власт и моќ преку безидејната екипа која го гледа само личниот и партискиот интерес, рече првиот човек на ВМРО-ДПМНЕ на митингот кој денес се одржа во салата “Борис Трајковски” во Скопје.
Во својот како и секогаш долг говор, Груевски ја нападна најголемата опозициска партија како “куп на деструктивци и манипулатори” кои “едно денес едно зборуваат а утре друго прават”
Според него, СДСМ не нуди алтернатива и покажува дека партијата, по 10 години откако беше поразена на избори, “не само што не напредувала туку назадувала”.
Потоа следеше напад на новата шефица на информативната програма на МРТВ Санта Аргировска. Груевски не се колебаше да навредува и ја нарече “мизерија”.
Според Груевски најпоразително било што СДСМ во овие 10 години зборувале дека нема слобода на медиуми и кодошеле за да се најде државата во што полоша меѓународна позиција, ги активирале “сите невладини организации, лажеа и клеветеа со сите сили и во тоа во голема мера им успеа, за тоа ги бива, слободата на медиуми стана една од клучните забелешки на ЕУ”, рече Груевски. И додаде дека наместо непартиски и професионален човек, промена што ќе изненади, СДСМ ја именувале Санта Аргирова, поранешна шефица на кабинет на Илинка Митреба која во тоа време на потпретседател на СДСМ:
“Толку од независното новинарство на СДСМ. Сите платени новинари потрчаа оваа мизера да ја вадат од кал и така си го покажаа лицето”.
Потоа следеше на напад врз СЈО.
Според Груевски,СЈО е формирано со добра намера но “тие луѓе се очевидни поддржувачи на СДСМ” и “главен инструмент на Заев за доаѓање на власт”, вели екс премиерот.
Пет пати, едно по друго, Груевски повтори дека на ВМРО-ДПМНЕ и на коалицијата и се потребни 63 пратеници на овие избори.
Нивните прес конференции, според Груевски, се “спектакуларни без ниту еден валиден доказ” и тие “допрва планираат да станат актери во оваа кампања со канење на распити на кои однапред ќе бидат поканети медиумите на СДСМ”. Груевски е уверен дека СЈО ќе испраќа отсега уште повеќе покани за суд и прес конференции.
На крајот на говорот Груевски рече дека ВМРО-ДПМНЕ ќе победи на изборите и пет пати, едно по друго, повтори на ВМРО-ДПМНЕ и на коалицијата и се потребни 63 пратеници “што ќе значи силна порака за стабилна и сигурна Македонија”.
Груевски изјави исто така дека СДСМ нема поддршка од народот и “ќе сторат се да не дисквалифицираат и ќе се обидат не ги признаат изборите”. И ги предупреди неговите поддржувачи дека Заев ветува не само двојазична држава туку цело редизајнирање на државата.
На крајот повика прекинат поделбите, вети дека ако дојде на власт нема да има реваншизам и најави големо присуство на терен во предизборието.