Претседателот на ВМРО ДПМНЕ Мицкоски најави брзо враќање на партијата во пратеничките групи.
,,Во моментов, ВМРО ДПМНЕ останува на своите позиции, прашањето е од математичка и политичка природа и ние не можеме да бидеме комплетно активни во Собранието. Се надевам и имам чувство дека многу брзо математичките и политичките проблеми ќе бидат надминати и ВМРО ДПМНЕ ќе може да се врати во Собранието и да биде целосно псоветена на работата во парламентот, рече Мицкоски по средбата со премиерот Заев.
Мицкоски додаде дека комплетирањето на пратeничката група, за него значи стопроцентно присуство на целата пратеничка група на ВМРО ДПМНЕ и на коалицијата во Собранието . Тој не прецизираше што очекува да стори премиерот или судската власт за притворените пратеници, но нагласи дека ВМРО ДПМНЕ само со присуство на сите пратеници во Собранието ќе се чувствува комотно во законодавниот дом.
Според Мицкоски, Заев се согласил да го врати старото решение за изборот на членови на ДИК . Ова значи опозицијата да го предложи претседателот на ДИК, а власта да има мнозинство во комисијата. Според пржинскиот договор, тројца членови во ДИК беа избрани по предлог на власта, тројца од опозицијата, а тројца меѓу кои и претседателот беа избрани од редот на независните експерти.
Мицкоски најави и дека наредната недела , ќе биде постигнат консензус и за најголем број од законите за кои разговараат работните групи на СДСМ и на ВМРО ДПМНЕ.
За предлог законот за јазици, Мицкоски рече дека ВМРО ДПМНЕ останува на ставот дека тој е неуставен и дека мора да се испочитува деловникот и да се разгледаат 35 те илјади амнадмани поднесени од партијата..
Средбата во Владата траеше повеке од два часа и била на иницијатива на премиерот Заев.
За спорот за името, нема нови моменти од последната средба во Клубот на пратеници рече претседателот на ВМРО ДПМНЕ..