Либерално демократската младина го осуди настанот во кој вчера беше приведена девојка во Скопје по нејзиното уживање на канабис.
Тие сметаат дека основните човекови слободи и права мораат да се почитуваат и тие преставуваат камен темелник на едно здраво демократско општество за кое се бориме и сакаме да живееме.
„Поминуваат веќе 21 година од кога ЛиДеМ неуморно се залага за имплементација на позитивните искуства во врска со канабисот од европските земји, како Холандија. ЛиДеМ се едни од основополножниците во напорите за легализација на канабисот за медицински цели уште од 2003 и 2004 година, 15 години неуморно се боревме за остварување на нашите стратешки приоритети за кои гордо можеме да кажеме дека се исполнија. Како последна глава од ова поглавје и целосно остварување на нашите програмски и стратешки определби останува декриминализацијата на употребата на канабисот“, стои во соопштението.
На девојката која вчера е приведена, ЛиДеМ и дава поддршка во нејзината борба за остварување на нејзините човекови права и и нуди бесплатна правна помош.
„Сметаме дека член 215 од Казнениот закон на Република Македонија, каде што е регулирано неовластеното производство и пуштање во промет на наркотични дроги, психотропни супстанции и перкусори, треба да се дополни и измени во поглед на тоа да не ја регулира личната употреба односно истата да се декриминализира. Мораме да се бориме за еднакво, слободно и демократско општество каде што основните човекови права и слободи ќе се почитуваат и секој граѓанин на Република Македонија ќе има право да живее слободно, еднакво и либерално согласно неговите сфаќање, определби и убедувања. #Подршказамоника #Легализеит #420“, наведуваат од ЛиДеМ.