Позитивен е од 18.01.2022, прв преглед направен ден претходно кога одбивал хоспитализација, во тешка општа состојба со ниска сатурација. На негово барање примен во дневна болница на 18.01., но поради екстремно тешка состојба задржан вечерта во болница, дадена соодветна терапија и кислородна поддршка. Биле преземени реанимациски мерки, но пациентот почина денес во раните утрински часови, се вели во соопштението на Министерството за здравство
Министерството за здравство информираше дека 32-годишниот битолчанец, кој денеска почина од ковид-19, и покрај тоа што бил во тешка состојба, одбил да биде хоспитализиран, а имал хронично заболување и не бил вакциниран. Тој имал заболување на црниот дроб и прекумерна телесна тежина.
– Позитивен е од 18.01.2022, прв преглед направен ден претходно кога одбивал хоспитализација, во тешка општа состојба со ниска сатурација. На негово барање примен во дневна болница на 18.01., но поради екстремно тешка состојба задржан вечерта во болница, дадена соодветна терапија и кислородна поддршка. Биле преземени реанимациски мерки, но почина денес во раните утрински часови, се вели во соопштението на Министерството за здравство.
А во врска со втората најмлада жртва од ковид-19 во земјата, 30-годишниот пациент од Велес, како што објави телевизија Телма, станува збор за жена во петиот месец од бременоста, која била позитивна на коронавирусот и примена на Клиниката за инфективни болести и фебрилни состојби.
Од Министерството за здравство соопштуваат дека девет дена од почетокот на лекувањето, состојбата ѝ се влошила. И покрај дадената терапија, младата жена развила многу тешка форма на бронхопневмонија и била поставена на механичка вентилација.
Пациентката потоа била префрлена на Клиниката за анестезија и реанимација и интензивно лекување (КАРИЛ), каде понатаму е лекувана. Но, и покрај дадената терапија, состојбата постојано се влошувала и пациентката вчера починала.
Ова се најмладите жртви меѓу 12-мината починати од коронавирусот во изминатите 24 часа.