Според една нова анкета, Брегзит ја губи поддршката во Велика Британија. Ова испитување на јавното мислење на Британците вели дека повеќе од половина жители на европскиот остров сакаат да останат во ЕУ, јавува агенцијата АФП.
Така 51 отсто испитаници се против излегувањето на земјата од ЕУ, излез планиран за март 2019 година додека 41 отсто се изјасниле за напуштање на европскиот клуб. Анкетата ја направи институтот БГМ Истражување (BMG Research) објавено денес во The Independent.
Оваа разлика од 10 отсто е најголемата досега помеѓу про и против излезот од ЕУ од референдумот од јуни 2016 година. На референдумот 52 отсто Британци гласаа за излез од ЕУ.
Анкетата е направена на примерот од 1.400 лица. Заклучокот е дека оние Британци што не гласале на референдумот пред година и половина денес би гласале против излезот од ЕУ.
Премиерката Тереза Меј во петокот доби зелено светло од лидерите на 27 земји на ЕУ за отворање на втората фаза на преговорите за Брегзит и таа се однесува на договорот за транзиција и идните односи помеѓу двете страни.