Според резултатите од изборите на 11 декември, , ниту една политичка партија не успеа да обезбеди апсолутно мнозинство, соопштуваат од Министерството за надворешни работи на Руската федерација. Од таму велат дека предвремените парламентарни избори во Македонија и покрај исклучително напнатата политичка ситуација, се одржаа во мирна атмосфера.
Меѓународните набљудувачи, меѓу кои беше и група руски претставници, не регистрираа битни повреди на универзално прифатените стандарди, вели руското МНР. Сепак, ги повика сите политички сили во Македонија да ја почитуваат волјата на гласачите, да дејствуваат во рамките на Уставот и да ги избегнуваат контрапродуктивните надворешни влијанија при формирањето на новата влада.
„Ги повикуваме сите политички сили да ја почитуваат волјата на гласачите, да дејствуваат во рамките на уставот и да ги избегнуваат контрапродуктивните надворешни влијанија при формирањето на новата влада. Веруваме дека македонските политичари се свесни за степенот на одговорноста за зачувување на стабилноста во Македонија и меѓуетничката хармонија, кои се неопходен фактор за мир во целиот балканси регион“, се вели во соопштението.
Русија, како што се наведува во соопштението, очекува приоритетите на новата влада на Република Македонија да бидат избалансирани и да се фокусираат на зајакнување на мирот и безбедноста на европскиот континент.