Мобилен билборд со порака „Логорите на смртта беа на нацистичка Германија“ патува низ Германија, Белгија и Велика Британија, испратен од страна на Полска.
На него има фотографија од Аушвиц со фризурата и мустаќите на Хитлер, а во едно испринтано е барање за извинување од германската телевизија ЗДФ.
Оваа иницијатива на Полјаците доаѓа откако телевизијата употребила израз „полските логори на смртта“ за Аушвиц и другите концентрациони логори кои нацистите ги изградија во окупирана Полска за време на Втората светска војна.
– Идејата е едноставна. Сакаме вистина и сме против изразот „полските концентрациони логори“ кој често се употребува во западните медиуми, објаснува Давид Халман, еден од креаторите на проектот.
Полските власти и претходно реагираа на овој израз кои се користи не со навредлива конотација, туку како кратко објаснување за логорите.
Конзервативците од полската партија Право и Правда, секој таков израз го толкуваат како обид на Германците да ја изменат историјата и Полска да ја направат виновник за Холокаустот.
Полскиот институт за комеморација неодамна за прв пат ги објави комплетно имињата и презимињата на офицерите и чуварите во логорот во Аушвиц со цел да покажат дека таму нема Полјаци и тие не се виновни.