„МОЗАИК“ фестивал: Вечерашниот концерт во „А1 арена“ се одложува

Организаторот на „МОЗАИК фестивал“, заедно со артистите на настанот, одлучи да го одложи вечерашниот концерт во „А1 Арена – Борис Трајковски“ поради препорачаните насоки за ограничување на масовните јавни собири дадени од Центарот за управување со кризи.

„Ќе ги следиме сите превентивни препораки според кои ќе биде закажан и новиот соодветен датум на одржување на предвидениот концерт во Скопје. Сите купени
влезници ќе важат за новиот датум“, објавија организаторите на настанот.

Од таму и дополнение за рефундирање на средства преку продажната мрежа на www.mktickets.mk“ со приложување на соодветен документ за потврда, во случај на спреченост за присуство на новиот термин за концертот.