“Уште само еднаш ќе го кажам тоа – Себастијан Курц, ќе те кренам во воздух”, напишал осудениот на својот профил на Фејсбук. Бидејќи не се случила никаква реакција, потоа тој напишал дека доколку Курц не му се јави, ќе го крене цел Хофбург во воздух.
Судот во Грац донел пресуда да смести еден граѓанин на психијатрија, бидејќи упатувал закани кон австрискиот канцелар, Себастијан Курц.
“Уште само еднаш ќе го кажам тоа – Себастијан Курц, ќе те кренам во воздух”, напишал осудениот на својот профил на Фејсбук.
Бидејќи не се случила никаква реакција, потоа тој напишал дека доколку Курц не му се јави, ќе го крене цел Хофбург во воздух.
Курц не реагирал ниту на овие закани, но обвинителството реагирало и отворило истрага.
Обвинителот истакнал дека е јасно оти обвинетиот му се заканувал на Курц со смрт со експлозив.
Адвокатот на обвинетиот се обидел да ги ублажи заканите, велејќи дека „не е сигурен ни дали Курц воопшто дознал за тоа што е напишано“.
Обвинетиот потврдил дека тоа што го напишал е точно, но дека се избришал, а дека се наоѓал во вонредна психичка состојба по смртта на својата мајка и бидејќи што го напуштила сопругата со трите деца.
“Каква врска има тоа со Курц? Тој не е надлежен за вашите деца”, го прашала судијката Анџелика Хакер, на што тој одговорил дека бил лошо расположен и дека смета дека Курц е добар политичар.
Судскиот вештак Манфред Валцл заклучил дека обвинетиот пати од биполарно пореметување.
Oбвинетиот на своето тело ги истетовирал сите датуми од боледувања и хоспитализации, а психијатарот му предложил на судот да го смести обвинетиот на психијатрија за да биде под лекарски третман.