Претседателот на Зимбабве, Роберт Мугабе, се соочува со краен рок до денеска попладне, поставен од неговата партија да поднесе оставка, по синоќешниот говор во кој тој одби да се повлече, пренесува Би Би Си.
Според информациите, партијата на Мугабе му поставила рок до 12 часот по локално време да се повлече од фунцкијата претседател, ако не го стори тоа, тогаш раководството на партија соопшти дека ќе му го укине мандатот.
Постапките би можеле да почнат уште утре, кога парламентот ќе се состане.
Кризата започна пред две недели, кога 93-годишниот лидер го разреши неговиот заменик Еммерсон Монангагва, ги налути армиските команданти, кои го сметаа за обид да ја позиционира својата сопруга Грејс за иден претседател.
Во синоќешното обраќање на националната телевизија Мугабе рече дека останува на таа функција и покрај притисоците да поднесе оставка. Извори блиски на преговорите меѓу Мугабе и војската претходно најавија дека тој ќе поднесе оставка по 37 години на власт.
Мугабе рече дека ќе остане на местото шеф на државата барем до конгресот на владејачката партија Зану-ПФ во идниот месец.
За време на 20-минутниот говор, претседателот, кој беше опколен од генерали, не го спомена притисокот од неговата партија и јавноста да се откаже.
Наместо тоа, тој изјави дека војската не сторила ништо лошо со тоа што ја презеде власта и го ставила во домашен притвор.