МВР бара тројца поврзани со тепањето во Собрание, објави фотографии

МВР објави фотографии од тројца напаѓачи за време на упадот во Собранието на 27.април, заради потребите на истражната постапка што се води во Основното јавно обвинителство –Скопје.

Фотографиите се објавуваат по претходно одобрение од Јавен обвинител, бидејќи тројцата се важни за постапката.

За таа цел МВР ги повикува сите граѓани кои имаат било какви сознанија за лицата, за тоа веднаш да известат во најблиската полициска станица, да пријават на  телефонскиот број 192, да ја употребат апликацијата „Пријави сомнително лице“  на официјалниот сајт на МВР  или да пријават во  Јавно обвинителство .