Министерството за внатрешни работи тврди дека обезбедувањето на поранешниот премиер и претседател на ВМРО ДПМНЕ само го замолило новинарот од телевизијата ТВ21 да ги избрише снимките. Ова е објаснувањето на МВР за инцидентот откако денеска попладнево писмено се огласија со краток документ наречен „демант“.

„Припадниците од Министерството за внатрешни работи кои се дел од Одделот за обезбедување во текот на вчерашниот ден постапуваа согласно планот и задачите. Заради оперативните сознанија кои ги имаат за потенцијални ризици службените лица легитимирале еден граѓанин кој без да се идентификува започнал да снима. Без примена на сила тие го замолиле да ги избрише снимките кои ги направил. Според нивниот исказ тоа се случило во угостителски објект (кафуле), а не во телевизија како што беше објавено во некои медиуми.

На новинар од ТВ 21 вчера попладнето од обезбедувањето на екс-премиерот Никола Груевски му било побарано да ги избрише фотографиите од мобилниот телефон ,на кои бил фотографиран претседателот на владејачката партија, во прошетка низ улица Македонија, јавува ТВ 21.

Новинарот откако го забележал поранешниот премиер дека е во прошетка, се обидел да го сними моментот за објава на интернет-страницата на ТВ 21.

Oбезбедувањето на екс-премиерот влегло во дворот на телевизијата, го зело мобилниот уред и ги избришало фотографиите од мобилниот телефон, потег кој е снимен од страна на ТВ 21.

На новинарот му побарале новинарска легитимација, при што тој уредно ја покажал, соопштува оваа телевизија.

Членот на обезбедувањето на Груевски приложил и легитимација дека е лице вработено во МВР.

ТВ 21 вели дека екс–премиерот е јавно лице, и во интерес на јавноста е да се знае што прави и како се однесува. Оваа ТВ ја повикува неговата партија и министерството за внатрешни работи да се огласат за овој инцидент.

Безбедносните камери на ТВ 21 го забележаа овој настан, односно регистрираа како обезбедувањето на екс-премиерот Никола Груевски, без дозвола на ТВ 21 влегува во телевизијата.

Исто така, МВР го кани новинарот да поднесе преставка во Одделот за внатрешна контрола доколку смета дека има законски прекршувања.

Еден пример од работењто на Секторот за внатрешна контрола кога се во прашање преставки на новинари

За време на немирите во Ѓорче Петров пред речиси две години, новинарките Сашка Цветковска од НОВА, Мери Јордановска од ФОКУС и Марија Митевска од Радио Слободна Европа, беа вербално и физички нападнати и им се бришеа насилно снимки од самите припадници на МВР. Тие решија да го послушаат советот на министерството и да го пријават случајот.

На овој линк прочитајте цела реконструкција на тој настан.