Битолската полиција денеска поднесе кривична пријава против С.Б. (56) од Битола, раководител на Секторот за финансии во општина Битола. Полицијата го сомничи С.Б. за злоупотреба на службената положба и овластување.
Во соопштението на МВР пишува дека С.Б. во 2012 и 2013 година како раководител, а потоа во 2014 година како секретар на општина Битола, ја злоупотребил службената положба и овластување на начин што не ја извршил и не ја спровел одлуката за изменување и дополнување на одлуката за користење на спортски објекти на подрачјето на општина Битола, иако бил должен не го известил закупецот за измените во висината на надоместокот за закуп. На тој начин овозможил закупецот, за периодот од 1.12.2012 година до 1.11.2016 година, да се стекне со имотна корист од 7.300 евра годишно или 29.200 евра за сите четири години“, пишува во соопштението на МВР.