Министерството за внатрешни работи (МВР) во изминатото деноноќие на територија на целата држава констатира вкупно 673 прекршоци на лица без заштитна маска.,
Министерот Наќе Чулев на својот Фејсбук профил наведе дека, според евидентираните податоци, се издадени решенија за изолација на 91 лице, а 78 лица потпишале изјави за самоизолација.
Од страна на полициски службеници се извршени контроли кај лица во изолација и самоизолација, при што не се евидентирани лица кои не ги почитувале мерките.
„Министерството за внатрешни работи и натаму ги презема неопходните мерки и активности што се однесуваат на почитување на мерките на Владата, а се насочени кон справување со пандемијата од коронавирусот“, напиша Чулев на Фејсбук.