МЗ: Вакцинирајте се, за да се постигне целта на имунизацијата

Вакцините против ковид – 19 ја намалуваат појавата на компликации и смртен исход од болеста, за да се постигне целта на вакцинацијата неопходно е да се вакцинираат што поголем број граѓани.

Вакцини во нашата земја има доволно, а процесот на имунизација функционира одлично – за релативно краток период вакцинирани се голем број граѓани изложени на поголем ризик на компликации од болеста : 58% од населението над 70 години имаат примено барем една доза вакцина, 55% од населението над 65 години имаат примено барем една доза вакцина, 50% од населението над 60 години имаат примено барем една доза вакцина, 40% од населението над 50 години имаат примено барем една доза вакцина, соопштуваат денеска од Министерството за здравство и апелираат до граѓаните да се вакцинираат.

Вакцинирањето е без закажување термин, а вакцините се достапни за секого.