Регулаторното тело за електронски медиуми во Србија (РЕМ) ги повика медиумите во државата да ги прекинат своите програми за една минута во спомен на жртвите од злосторства, на претстојната годишнина од масовните убиства во основното училиште „Владислав Рибникар“ во Белград и во околината на Младеновац.
РЕМ ги повика медиумите да ги затемнат екраните в сабота, 3 мај во 8:40 часот наутро, и в недела, 4 мај во 22:32 часот, односно да ја прекинат радио програмата со пораката „3 и 4 мај се денови на сеќавање на жртвите на масовните убиства. Се сеќаваме“.
На 3 мај 2023 година се случи масовното убиство во основното училиште „Владислав Рибникар“ во кое тринаесетгодишниот К.К уби девет ученици и едно лице од обезбедување, рани пет ученици и една наставничка.
На 4 мај 2023 Урош Блажиќ уби девет лица и рани 12 во близина на Младеновац, во селата Мало Орашје и Дубона, за што е осуден на 20 години затвор како максимална казна бидејќи бил малолетник во времето на злосторството