На барање на канадската влада, американскиот Фокс Њуз мораше да ги повлече твитовите во кои во понеделникот пренесе погрешни информации за идентитетот на починителите на терористичкиот напад во Квебек.
Кабинетот на премиерот Џастин Трудо испрати порака до шефот на Фокс Њуз со барање да се тргнат твитовите на ТВ каналот во кој се тврдеше дека автор на нападот е Мароканец.
Фокс Њуз го избриша “твитот” со лажна информација
Шефицата за комуникација на Трудо, Кејт Пурчејз, изјави дека наводите на Фокс Њуз се “лажна информација”.
Во своето писмо Пурчејз вели дека твитовите се навреда за шесте жртви на нападот и вели дека Фокс Њуз “шири лажна информација со политичка игра за идентитетот и ширејќи страв и поделба во нашите заедници”
“Муслиманите се најчесто првите жртви на терористичките акти насекаде во светот. Навредувачкиот амалгам за муслиманите како терористи не е само незнаење туку и целосна неодговорност”, напиша директорката за комуникација на премиерот на Канада.
Таа вели дека Канада е отворена земја кој става на знаење дека ќе ги брани своите граѓани: “Ние сме нација составена од милиони имигранти и бегалци, составена од стотици култури, јазици и религии и ние сме поддржувачи на цврстото и непоколебливо верување – ние сме силни благодарение на различноста што не краси”.
Во истото писмо Пурчејз испраќа и порака до владата на Трамп и неговите поддржувачи помеѓу кои на високо место фигурира токму Фокс Њуз:
“Морам да се фокусираме на ги сочуваме безбедни и обединети нашите заедници а не да градиме ѕидови или да бараме жртвени јарци”.
“Затворањето на границите не е решение а стравот не не прави побезбедни туку послаби и го одвлекува вниманието од вистинските предизвици кои влијаат на секојденвието на луѓето”, додаде таа и побара од Фокс Њуз или да ги избрише твитовите или да ги корегира со вистински информации за идентитетот на починителот на нападот.
Нападот во еден Исламски културен центар во Квебек однесе шест животи а авторот е 27годишниот Александар Бисоне, француско-канадски студент кој бил поддржувач на Доналд Трамп и екстремно десната француска политичарка Мари Ле Пен.