Околу два милиона вработени во ресторани и другите услужни места во Париз од денеска ќе мора да покажат доказ за вакцинација, негативен ПЦР тест или доказ за прележан ковид-19 при појавување на работното место. Мерката е дел од напорите на француската Влада за борба против пандемијата на коронавирус.
Јавноста е веќе должна да ја прикаже истата документација за посета на ресторани и на туристички локации.
Речиси 72 процента од Французите примиле прва доза на вакцина, а над 64 проценти се целосно вакцинирани, додека малцинството се противи на вакцинацијата и од јули одржува неделни протести низ целата земја. Франција е на второ место по бројот на инфекции во Европа во последниот месец, а досега се регистрирани повеќе од 114.000 смртни случаи.