На 5. издание на Меѓународниот филмски фестивал „Анадолија“ што се одржа онлине во септември во Истанбул, Турција, филмот „Исчезнатиот“ снимен по сценарио и во режија на Арбен Тачи ја освои наградата за најдобра фотографија.

Директорот на фотографија е Владимир Самоиловски и ова e прва меѓународна награда што ја доби филмот, кој по премиерата во јуни и по два специјални настапи на „Прифилм фест“ во Приштина и ТИФФ „Ода“ во Тетово, се натпреваруваше во официјалната програма – категорија албански филмови на Меѓународниот филмски фестивал во Тирана, Албанија.

Филмот е финансиран од Агенцијата за филм на Република Северна Македонија и малцинско учество на  Центарот за Кинематографија на Косово и Националниот Кинематографски Центар на Албанија.

А.В