Нова епизода од доминацијата на Мерцедес во Формула 1 шампионатот за оваа сезона. Луис Хамилтон е славеник на Силверстон по трката за ГН на Велика Британија. Лидерот во генералниот пласман до седмата победа во сезоната стигна со време од 1:21:08.452 часа, втор резултат оствари неговиот клупски колега, Валтери Ботас (+24.928 сек.), за место на подиумот се избори и Шарл Леклер од Ферари (+30.117 сек.).

За Хамилтон оваа, воедно, е 80 победа во кариерата, рекордна шеста на патеката Силверстон на која Џими Кларк во минатото триумфира пет пати. Британското гранпри го одбележа инцидентот во кој Себастијан Фетел и Макс Ферстапен излетаа од патеката.

Хамилтон е водечки во генералниот пласман кај возачите со 223 бода, 40 повеќе од Ботас. Трет е Макс Ферстапен со 136. Мерцедес, пак, е лидер кај конструкторите со 407 бода по десет трки пред Ферари кој има 243 и Ред Бул Хонда со 191.

Сезоната во Формула 1 шампионатот продолжува на 28 јули со трка за ГН на Германија.