Францускиот премиер Жан Катекс изјави дека бродската несреќа е „трагедија“, додавајќи дека загинатите се жртви на „криминален шверц“.
Најмалку 30 мигранти денеска загинаа при потонување на брод на каналот Ла Манш, во обид да стигнат до Велика Британија, соопшти француската полиција.
Мигрантите од Франција заминале кон Велика Британија со брод кој потонал недалеку од францускиот град Кале.
Францускиот премиер Жан Катекс изјави дека бродската несреќа е „трагедија“, додавајќи дека загинатите се жртви на „криминален шверц“.
„Моите мисли се со многуте исчезнати и повредени жртви на криминални шверцери кои ја злоупотребиле нивната ситуација“, рече Катекс.
Француските и британските власти спроведуваат голема спасувачка операција на море и од воздух на Ла Манш. Најмалку пет лица се извлечени од морето во несвесна состојба. Три хеликоптери и три брода трагаат по исчезнатите.