Земјотрес од 8,2 степени ноќеска го погоди Мексико. Ова е најсилниот земјотрес во оваа земја во изминатото столетие. Според последните информации во земјотресот загинале најмалку 5 лица.
“Ова е најсилниот земјотрес во последното столетие”, изјави претседателот на Мексико Енрике Пења Нието.
Гувернерот на државата Чиапас на југот на Мексико Мануел Веласко изјави дека три лица загинале во уривањето на нивниот дом.
Во Табаско на југо-истокот на земјата загинало едно дете кога куќата во која се наоѓал се урнала од потресот а едно бебе загинало кое било под апарати за дишење загинало поради прекинот на струјата предизвикано од земјотресот.
На јужниот брег на Мексико на Пацификот се очекуваат бранови во висина од 4 метри но претседателот на Пења Нието изјави дека нема опасност од цунами во овој момент.
Системот за предупредување за цунами во САД предупреди на можни опасни бранови по должина на бреговите на Пацификот Мексико, Гватемала, Ел Салвадор, Костарика, Никарагва, Панама, Хондурас и Еквадор.
Земјотресот бил почувствуван и во Мексико Сити.
Во 1985 година Мексико го погоди силен земјотрес во кој загинаа над илјада луѓе.