Градоначалникот на Општина Валандово, Перо Костадинов, одлучил по повод празникот на жената, „8.Март“, годинава наместо подароци, финансиските средства предвидени за празникот во висина од 20.000 денари да се донираат во „Интервентниот женски фонд“.
Овој фонд е наменет за помош на жени кои се жртви на насилство и кои сакаат да ја напуштат насилната средина.
Иницијалната помош е потребна за обезбедување на медицинска документација, извештаи од специјалисти, за ангажирање адвокат до моментот на добивање бесплатна правна помош, како и други итни мерки за поддршка на жената да излезе од насилната врска.