Арсен Венгер е нов шеф за развој на глобалниот фудбал во Светската фудбалска асоцијација (ФИФА). Најважната споредна работа во машка, но и во женска конкуренција ќе биде во описот и попис на работа на Французинот кој ќе се прашува за фудбалски правила и закони, ќе носи важни одлуки, а ќе води сметка и за прашања од техничка природа.
„Се радувам што ќе учествувам во овој исклучително важен предизвик, не само затоа што од секогаш бев заинтересиран за ангажман во фудбалот од оваа перспектива туку и поради глобалната мисија што ја има ФИФА. Мислам дека новиот состав на оваа организација од срце се грижи за фудбалот кој е нејзина најважна цел како и развој на играта во сите можни компоненти“, изјави Венгер.
Францускиот менаџер се поврзуваше ос кормилото на Баерн Минхен по разделбата со Нико Ковач, но раководството на Баварците очигледно има поинакви планови, па Венгер продолжи да бара работа. Беше слободен по заминувањето од Арсенал, меѓутоа вистинска понуда на негова адреса не стигна. Имаше можност да биде и спортски директор на ПСЖ, но одби во исчекување на шансата што не се пропушта.