Професор во средното училиште „Ибраим Темо“ во Струга денеска околу 13:30 часот повредил ученик со метален предмет. Момчето било примено на Хируршкото одделение со повреда на главата, потврди директорот на струшката болница, Арменд Арслани.
Од одделението за Хирургија ме известија дека во 13:45 часот е примено дете со повреда на главата. Извршено е шиење и детето е пуштено на домашно лекување, изјави Арслани.
Како што информира портпаролот на СВР Охрид, Стефан Димоски, полицијата го привела сторителот, 57-годишен стружанец.
„Во ОВР Струга е приведен Е.С. (57) од Струга, кој во средното училиште „Ибраим Темо“ го нарушил јавниот ред и мир и со метален предмет физички нападнал ученик во истото училиште. Се работи на целосно расчистување на настанот, изјави Димоски.