Тунижанецот кој со камион уби 12 луѓе за време на божиќниот панаѓур во Берлин, директно ги слушал наредните од Исламската држава, пишува весникот Шпигел.
Исламската држава ја презде одговорноста за нападот што се случи на 19 декември, но не беше јасно дали тоа и го испланирала и го извршила или само го инспирирала напаѓачот со своите повици за приврзаниците да напаѓаат мети во непријателските држави, објавува Ројтерс.
Како што се истакнува, Шпигел цитира информации кои на германските власти им ги доставиле Обединетите арапски емирати на 8 јануари.
Според нив, Анис Амри, возачот на камионот кој барал, ама не добил азил во Германија, примил наредба од група која и припаѓа на ИД.
Оваа група и е позната на германските власти од други случаи кои се водени против терористи на ИД, кои се претставиле како бегалци, пишува весникот.
Амри, кој се заколнал на верност на ИД, го уби италијанската полиција во Милано, 4 дена по нападот во Берлин.
ИД соопшти дрка нападот го извршил нивен војник како одговор на повиците да бираат државјани на коалициските земји како цели.