Салман Абеди, момчето кое изврши терористички напад на концерт на пејачката Ариана Гранде во Манчестер, имал тренинг од ИСИС, бидејќи според најновите информации, тој патувал во Сирија неколку месеци пред нападот, вели официјален претставник на САД.

Американците веруваат дека тој бил трениран како да го изврши нападот.

Според американскиот претставник, и семејството на Абеди било регрутирано и радикализирано.

И додека трае истрагата, Велика Британија ја стопираше размената на информации со САД во однос на бомбардирањето во Манчестер, бидејќи Американец лиферуваше информации со медиумите.

Британската премиерка рече дека за тоа ќе разговара со претседателот на САД, Доналд Трамп.

Американците го објавија името на осомничениот напаѓач и други детали додека истрагата е се уште во тек, а на тоа се налутија британските истражувачи кои рекоа дека сите наредни детали ќе ги чуваат во тајност за да се утврдат причините за терористичкиот напад.