Владата на денешната 103-та седница го прифати предлогот на Комисијата за заразни болести за онлајн настава во средните училишта во Тетово и Гостивар во првите 14 дена, а во Кичево и Струга во првите седум дена.
Владата денеска го прифати предлогот на Комисијата за заразни болести за онлајн организирање на наставата во средните училишта во Тетово и во Гостивар во траење од 14 дена од почетокот на учебната година и за онлајн настава во првите седум дена во Кичево и во Струга, заради ситуацијата со вирусот во овие општини, по што, откако ќе заврши овој период, ќе се донесе нова одлука согласно развојот на ситуацијата, информираат од владината прес-служба.
На денешната седница, Владата го дополни и протоколот за бројот на децата по групи во градинките, со што се зголемува бројот на деца од 21 на 25 деца и тоа само во големите групи, но не и за групите од 0 до 2 години.