Изјавите на албанскиот премиер Еди Рама продолжуваат да предизвикуваат реакции во Македонија но дојде изјава и од Европскиот парламент.
Македонското министерство за надворешни работи реагираше на вчерашната изјава Рама кој рече дека Македонија треба да го смени својот став кон Албанците што живеат таму, бидејќи Албанците не се малцинство туку државотворен фактор за опстанокот на Македонија.
Но реакцијата се однесува и на скорешните изјави за внатрешната ситуација во Македонија или спорот со Грција.
Шефот на српската дипломатија Ивица Дачиќ рече дека Србија не требало да ја признае Македонија под уставното. А грчкиот премиер Алексис Ципрас во вторникот ги обвини македонските власти за иредентизам и наведе дека со таков став не може да се најде решение за спорот за името.
„Немаме посебна намера да се впуштаме во анализи на тоа кој сè се вмешува и со каква цел. Би ги упатиле сите заинтересирани страни да ја почитуваат македонската сувереност и изразената волја на граѓаните. Тие се единствените надлежни да носат одлуки за државата. Македонија останува посветена на своите цели и принципи. Практиката ни докажа дека добри решенија за земјата мора да потекнуваат од интересите на нашите граѓани. Таквиот став е и во функција на европското интегрирање на земјата. Само суверена, ефектива и ефикасна Македонија може да придонесе во проектот што е масовно поддржан од нашите граѓани“, велат од МНР.
Словачкиот европски пратеник Едвард Кукан од редовите на демохристијаните влезе во дебатата откако беше објавено на некои медиуми во Македонија дека тој силно ја осудува платформата на албанските партии направена кај Рама во Тирана.
За НОВА тој изјави дека нема ништо против албанската платформа и дека никој од надвор не треба да ја коментира оваа платформа која е работа на македонската политика. Кукан вели дека тој никогаш не рекол ни збор за албанската платформа.
“Добро е да се има заедничка позиција на албанските партии кога се влегува во преговори за влада”, вели тој.
Но, Кукан смета дека во македонската политика не треба да се меша албанскиот премиер Еди Рама. Според него, националните прашања треба да се дискутираат во земјата а не кај соседите.