Атланта може да се пофали како прва екипа што успеала да го совлада Кливленд во НБА лигата во новата сезона. „Јастребите“, во дербито на вечерта, го добија шампионот со 110:106 со тројката на Бејзмур на шест секунди до крајот. Пресудна за конечниот исход беше одличната игра во одбрана на составот на Мајк Баденхолцер. Ова особено се однесува на првото полувреме и во третиот период пришто се имаше адекватен одговор за секое решение на „кавалирси“.
Шредер беше најефикасен играч во победничката екипа со рекордни, во неговата кариера, 28 поени, Бејзмур заврши со 25. Листата на стрелци кај Кливленд ја предводеше Ирвинг со 29 коша, Лав постигна 24 колку и Леброн Џејмс иако уфрли само два во воведните две четвртини. Кон нив додаде девет скока и пет асистенции.
По Гасол погоди од одбојка на 0,7 секунди до крајот за триумф на Мемфис над Денвер со 108:107. Шпанецот имаше вкупен ефект од 19 поени, Винс Картер постигна 20, Рендолф 16. Најрасположен кај нагетси беше Мудиеј со 23 коша, Галинари даде 21.
Сакраменто му нанесе осми пораз во сезоната на Њу Орлеанс. „Кингси“ победија со 102:94 во меч во кој сето внимание беше насочено под обрачите и битката за секоја топка на центрите. И 34 поени на Дејвис, сепак, не беа од помош за „пеликанси“ да се радуваат на крајот. Казинс на спротивната страна реализира шест помалку, но заедно со соиграчите овозможија нова причина за задоволство на фановите во нивната арена.
НБА лига
Резултати
Кливленд – Атланта 106:110
Бруклин – Минесота 119:110
Мемфис – Денвер 108:107
Портланд – Феникс 124:121
Л.А. Лејкерс – Далас 97:109
Сакраменто – Њу Орлеанс 102:94