Стејт департментот им одобри на Естонија, на Летонија и на Литванија дозвола за транспорт на оружје од американско потекло во Украина, соопштено е денеска.
Ваквиот потег на САД доаѓа по предупредувањето на администрацијата на Бајден за можна руска инвазија на Украина во секој момент. Покрај тоа, американсккиот државен секретар, Ентони Блинкен смета дека Русија планира да распореди дополнителни трупи на границата со Украина.
Американското одобрување за транспорт на оружје е еден вид на порака до рускиот претседарел, Владимир Путин што би можело да го чека, доколку продолжи со својот план. Дури и Бајден вчера нагласи оти очекува Путин да ја нападне Украина.
Стејт департментот нагласи дека има блиска соработка со европските земји и со Украина.
Нашите европските сојузници го имаат она што им е потребно да напредуваат по прашањето за обезабедување на помош за Украина во наредните денови и недели. Во близок контакт сме со нашите украински партнери и НАТО сојузници за ова прашање и ги користиме сите расположливи алатки, истакна портпаролот на Стејт департментот.
Тој додаде дека „под алатките“ се подразбира и забрзување на транспортот на оружје од американско потекло од американски сојузници до нивните партнери.
Сè уште не е јасно кога оружјето ќе стигне во Украина, додаде портпаролот на Стејт департментот.
Оваа недела Блинкен ја посети Украина каде оствари средби со официјални државни претставници кои му заблагодарија за помошта, но и ја искористија приликата да побараат допопнителна воена пооддршка.
Кон крајот на декември, администрацијата на претседателот Бајден одобри дополнителни 200 милиони долари помош за Украина, со што е овозможена испорака на одбранбена помош која вклучува оружје и муниција, тврдеа тогаш за „Си-Ен-Ен“ четири неименувани извори кои се добро упатени во целата ситуација.