Не сака да брза со враќање на АТП турот: Федерер се повлече од Ролан Гарос

Швајцарскиот тенисер Роџер Федерер објави дека се повлекува од вториот гренд слем во сезоната, Ролан Гарос.

– Откако разговарав со луѓето од мојот тим, решив дека треба да се повлечам од Отвореното првенство на Франција. По две операции на коленото и повеќе од една година рехабилитација, важно ми е да го слушам моето тело и да не брзам со работите на патот кон закрепнување. Се гледаме наскоро, напиша Федерер на Твитер.

Триесет и деветгодишниот тенисер во четвртото коло на Ролан Гарос, утре требаше да игра со Италијанецот Матео Беретини.