Се сеќаваш ли како му викаа студентите на Вучиќ: не си надлежен за нашите интереси и прашања.
Бранко Тричковски
Мицкоски до граѓаните: Ова е најтешкиот ден во мојот живот, нема да имам милост, секој кој е инволвиран во овој трагичен настан до последниот ќе одговара
Тричковски: Но, не си надлежен, бе, Мицко, кој си ти да кажуваш дека нема да имаш милост кон инволвираните во трагедијата во Кочани, тоа е работа на системот, драг мој Мицко, со твојата изјава не го уриваш системот на корупцијата во кој твојата партија е лидер, туку го зајакнуваш, го приватизираш, од Македонија правиш мисионерско дувло на луѓето кои од мисионерството, евентуално ја знаат мисионерската поза во сексот, и се скицираш себе си како главен фактор на системот против кој наводно се бориш.
Се сеќаваш ли како му викаа студентите на Вучиќ: не си надлежен за нашите интереси и прашања.
И, полабаво со тој рев по изгорената младост. Знам дека ти е мачно, како и на сите нас, но секое претерување во експресијата на чувствата (ми се кине срцето и немам сила да говорам денес, скршен сум и мојот дух е срозен). може да се разбере повеќе како грижа за себе, за твојата влада која многу несреќно и симптоматично ја споменуваш и оневинуваш и за своите луѓе.
Кој знае по кој пат ти давам паметни совети, но ти ниту ги слушаш ниту ги плаќаш.
Тоа не ти е паметно.
Размисли за советите и за тоа како ги третираш.
Од Фејсбук ѕидот на авторот