Советниците за вакцина во САД едногласно го поддржаа уделот што вакцината на Фајзер го има во превенцијата од Ковид-19, особено откако минатата недела таа беше одобрена за лица од 16 години па нагоре.
Советодавното тело на американските центри за контрола и превенција на болести (ЦДЦ) во понеделникот едногласно ја препорачаа вакцината Фајзер за лица на возраст од 16 години и постари, што се оцени за важен чекор што може да помогне да се зголеми бројот на вакцинирање во Соединетите држави.
Администрацијата за храна и лекови минатата недела даде целосно одобрување на вакцината, која претходно беше достапна за повозрасната генерација.
Здравствените власти се надеваат дека формалното одобрување и препораката на советодавното тело ќе поттикнат повеќе Американци да се вакцинираат. Со целосно одобрување од ФДА, некои компании и држави дури започнаа и да наложуваат вакцинација против Ковид-19.
Сепак стапките на вакцинација остануваат ниски во многу делови на Соединетите држави, придонесувајќи за зголемување на хоспитализациите поради многу заразната варијанта Делта на коронавирусот.
Некои членови на телото рекоа дека зголемувањето на бројот на вакцинирани пред есенската сезона е критично, со цел безбедно враќање на децата во училиштата.
„Секој што има врска со дете кое сеуште не е доволно возрасно за вакцинирање, треба да се вакцинира во корист на своите деца“, вели д -р Хелен Кеип Талбот, специјалист за заразни болести, која беше дел од панелот.
Регулаторите ја одобрија третата доза на вакцините Фајзер и Модерна за оние со слаб имунолошки систем, а американската влада објави дека планира да ги стави засилувачките дози достапни за повеќе Американци уште во септември.
Советниците на ЦДЦ разгледуваат пристап кон бустер-вакцините што ќе се фокусираат на спречување на тешки заболувања меѓу оние кои се најзагрозени а тоа се лицата во установите за долгорочна нега, други постари возрасни лица и здравствени работници – слично како и при првичното аплицирање на вакцините.
Персоналот на ЦДЦ ги претстави достапните податоци за потребата од засилувачи и рече, во овој момент може да биде тешко да се утврди дали имунитетот од претходна вакцинација опаѓа со текот на времето или дали вакцините се само помалку способни да спречат инфекција како високо-преносливата варијанта Делта.
Неколку членови на панелот изразија загриженост поради објавата на Белата куќа за зајакнување на политиката што започнува во септември, дури и пред советодавниот панел за вакцина да ги види доказите или да утврди дека е потребна таква кампања.
Членовите на советодавната работна група за вакцини, која го обликува пристапот на агенцијата кон засилувачите, нагласија дека главниот приоритет на САД во моментов е да се фокусираат да бидат вакцинирани сите невакцинирани.
Уште еден состанок ќе биде закажан за средината на септември на кој ќе се разговара за засилувачите или за бустер дозите.
На состанокот во понеделникот, ЦДЦ повтори дека придобивките од вакцината на Фајзер ги надминуваат потенцијалните ризици.
Нов Зеланд во понеделникот ја пријави првата смрт поврзана со вакцината на Фајзер, откако една жена страдаше од миокардитис- воспаление на срцевиот мускул, што е познат но редок несакан ефект на вакцината и случај кај кој се утврдува причинско-последичната реалција и дали таа е иницирана од вакцината Фајзер.
Кај младите Американци нема досега смртен случај по појава на воспаление на срцевиоит мускул по примена доза од вакцината Фајзер.