Висок претставник од американската администрација, во непотпишан текст објавен во Њујорк тајмс, предупредува на „неморал“ и на „непромислено“ раководење на претседателот Доналд Трамп.
– Сите што работат со него знаат дека не се држи цврсто до основние начела при донесуавње одлуки…Начинот на водењето на функцијата е непромислен, контрадикторен, ситничарски и неефикасен, нагласува авторот на текстот.
Авторот на текстот кој за себе тврди дека е дел од „отпорот“ кон Трамп, но не и од левицата, наведува дека „многумина кои Трамп ги именувал се заколнале дека ќе направат се што можат за да ги зачуваат нашите демократски институции, истовремено спречувајќи ги погрешните и залутани импулси на Трамп се додека тој не биде вон власта“.
Весникот го нарекува авторот на непотпишаната колумна како „висок претставник во администрацијата на Трамп“.
– Иако беше избран како републиканец, претседателот покажува малку афинитет кон идеалите што долго време се поставени од конзервативците: слободен ум, слободни пазари и слободни луѓе. Во најдобар случај тој се повикува на тие идеали како да се дел од претходно напишано сценарио. Во најлош случај, тој ги напаѓа, наведува авторот на текстот.
Тој додава дека и соработници на Трамп се свесни за мааните на претседателот и дека се обидуваат „да направат тоа што е исправно дури и кога Доналд Трамп тоа не го сака“.
Трамп реагираше на текстот, нарекувајќи го „срамен и кукавички “. Засега не е познато дали Белата куќа ќе преземе чекори да се обиде да дознае кој е автор на текстот во Њујорк тајмс.