Несреќа во Венецуела: Во пад на воен хеликоптер загинаа седум офицери

Сите седум члена на екипажот загинаа при пад на воен хеликоптер во близина на Каракас, соопшти Министерството за одбрана на Венецуела.

„Хеликоптерот летал од Каракас во сојузната држава Кохедес, каде што се наоѓаше претседателот Николас Мадуро“, се наведува во соопштението.

Властите ја истражуваат причината за несреќата. Хеликоптерот во кој имало двајца потполковници и пет офицери удрил во планина кај Каракас.

Мадуро, на својот профил на Твитер, напиша дека „длабоко жали за несреќата“ и испрати сочувство до семејствата на загинатите. Тој престојуваше во Кохедес на серијата воени вежби, кои, како што рече во телевизиското обраќање, ја покажуваат подготвеноста на армијатада одговори на „заканата што доаѓа од САД“.