Британската тенисерка Тара Мур цел живот ќе го памети настапот против Џесика Понше на ИТФ турнирот во Сандерленд. Губеше со 0:6, 0:5, спаси меч топка по што го направи најневеројатниот пресврт во истријата на „белиот спорт“. Славеше над третата носителка со 0:6, 7:6, 6:3 и во наредното коло ќе игра со подобрата од мечот меѓу Германката Јана Модрергер и Елена Теодор Кадар.
„Во ниту еден момент не се посомневав дека можам“, прокоментира Мур по мечот.
Британката се соочуваше со популарен „велосипед“, израз во тенисот што се користи за победа без загубен гем (на пример 6:0, 6:0). Понше имаше сервис и меч топка што на крајот се покажа дека ништо не значеше за Мур. Негативата не ја поколеба да остане фокусирана и да продолжи да се бори. На крајот и успеа не само да остане во игра во гемот туку да го сврти текот на мечот во своја корист.