Директорот на Управата на полицијата на Црна Гора Славко Стојановиќ и началникот на Центарот за безбедност на Подгорица Јовица Речевиќ, денес поднесоа оставки поради влошената безбедносна ситуацијата во Подгорица каде што во последните три дена се случија три убиства, изјави министерот за внатрешни работи Мевлудин Нухоџиќ.
Во центарот на Подгорица денеска беа убиени две лица од страна на засега непознато лице а центарот на Подгорица беше блокиран. Лицето кое пукало е во бегство, а полицијата интензивно трага по него. Црногорските медиуми јавија дека нападот се случил во кафулето „Форум“.
Двете лица врз кои е пукано се пренесени во болница, од каде е соопштено дека починале. Црногорските медиуми јавија дека веројатно станува збор за пресметка меѓу мафијашки кланови. Едното починато лице е невина жртва загината во престрелката во градот.
Во експлозија во блиндиран автомобил пред два дена беше убиен Дражен Чаѓенович а овој случај исто така пресметка на организираните криминални банди во Црна Гора.
Во седум напади со експлозив од почетокот на годината, три се поврзуваат со пресметките на мафијата.
“Мислевме дека ќе избегнеме ситуација во која невини граѓани стануваат жртви на пресметките на организираните криминални банди како што беше случајот на Радивоје Јовановиќ кој денес загина во Подгорица”, изјави министерот. Тој за утре свика состанок на Советот за национална безбедност поради ситуацијата во главниот град. Состанокот ќе го води премиерот Душко Марковиќ.
По денешното двојно убиство, и директорот на Агенцијата за национална безбедност Дејан Перунчиќ денес го разреши раководителот на Центарот на оваа агенција Милан Ковачевиќ. На негово место е поставен Бојан Вукчевиќ вработен во контразузнавањето на Црна Гора.