Претседателот на Србија, Томислав Николиќ, денеска изјави дека го замолил македонскиот претседател Ѓорѓе Иванов „принципиелно да ја поддржел Србија и да гласал против приемот на Косово во Унеско“, јавува српската агенција „Танјуг“.
„Го замолив Иванов да го брани нашето историско наследство како што го бран своето“, изјави Николиќ.
Иванов во медиуми изјавил дека за тоа ќе одлучувала новата македонска влада, а тој се надевал дека одлуката ќе биде во сечиј интерес.
„Останува на новата влада да одреди што е од државен интерес за Македонија. Секоја земја поаѓа од своите интереси и ги штити своите и интересите на своите граѓани пред се, рече Иванов денеска по состанокот со Николиќ во Белград, одговорајќи на новинарско прашање како ќе гласа Македонија во УНЕСКО.
Во ноември минатата година Македонија гласаше „за“ Косово да започне процес за прием во УНЕСКО. Иванов е во тридневна посета на Србија каде што, како што соопштуваат од неговиот кабинет, ќе имал повеќе средби со видни личности од Србија.