Џулиус, преку користењето на капсацаинот, лутата состојка од чили-пиперките која предизвикува лута сензација, го идентификувал сензорот во завршетокот на нервите на кожата кои реагираат на топлината. Патапутиан користел клетки чувствителни на притисок за да ја открие новата класа сензори кои реагираат на механички стимуланс во кожата и внатрешните органи. Патапутиан дознал дека е добитник на Нобелова награда од неговиот 92-годишен татко, откако генералниот секретар за Нобеловото собрание и Нобеловиот комитет, Томас Перлман, не успеал да го добие на телефон – му бил ставен на „не вознемирувај “.

Американските научници Дејвид Џулиус и Ардем Патапутијан се добитници на годинешната Нобелова награда за психологија или медицина за откривање на рецептори за температура и допир, соопштија денеска од Нобеловиот комитет .

Џулиус, преку користењето на капсацаинот, лутата состојка од чили-пиперките која предизвикува лута сензација, го идентификувал сензорот во завршетокот на нервите на кожата кои реагираат на топлината. Патапутиан, пак, користел клетки чувствителни на притисок, за да ја открие новата класа сензори кои реагираат на механички стимуланс во кожата и внатрешните органи.

„Овие револуционерни откритија покренаа интензивни истражувања кои водеа кон забрзано сфаќање на тоа како нашиот нервен систем чувствува топлина, студ и механички стимуланси. Лауреатите ги идентификуваа критичните алки кои недостасуваа во нашето сознание за комплексната поврзаност помеѓу нашите сетила и околината“, се вели во соопштението.

Џулиус е физиолог на Универзитетот Калифорнија во Сан Франциско. Најпознат е по истражувањето на рецепторите кои реагираат на ментол, масло од сенф и капсацаин.

Патапутијан е биолог во Истражувачкиот центар Скрипс, а неговата работа е фокусирана на јонските канали и рецептори кои се активираат со температура, допир или проширување на клетките.

Нобеловата награда во оваа област ја доделува Шведската кралска академија, и е во вредност од 10 милиони шведски круни или 1,1 милион долари.

Патапутиан: „Телефонот ми беше ставен на „ не вознемирувај “, па не ги добив телефонските повици, дознав од татко ми“

Ардем Патапутиан дознал дека е добитник на Нобелова награда од неговиот 92-годишен татко, откако генералниот секретар за Нобеловото собрание и Нобеловиот комитет, Томас Перлман, не успеал да го добие на телефон.

– Всушност, мојот телефон беше ставен на „ не вознемирувај “, така што не ги добив неговите телефонски повици, појаснил Патапутиан.

Телефонско интервју со Ардем Патапутиан, по објавувањето на Нобеловата награда за психологија или медицина за 2021 година, на 4 октомври 2021 година. Го интервјуира Адам Смит, директор за наука на Нобеловата награда.

(извор: nobelprize.org )