Во време кога конзервативните лидери ја бараат поддршката од народот за да застанат на чело на своите држави и да ги затворат своите територии…како на пример Доналд Трамп кој сака да изгради ѕид, Виктор Орбан кој е прв противник на мигрантската политика на Ангела Меркел, и многу други кои имаат територијална расправија…водечките земји, пример за сите во Европа, Норвешка и Финска нудат поинакво поимање на “територијата“.
Имено, официјален Осло планира да и подари планина на Финска за нејзиниот 100-ти роденден.
Идејата е на Бјорн Гир Харсон, норвешки геофизичар.
– Идејата е од 1972 година. Видов дека највисоката точка во Финска е на падина, а на Норвешка на планина, така да напишав писмо со министерството за надворешни работи и предложив на Финците да им подариме врв, вели тој.
– Насекаде во светот гледаме земји кои војуваат за да ги прошират своите држави, но во овој случај Норвешка сака мал дел од својата територија да отстапи без да бара нешто назад. Подарокот доаѓа од срцата на Норвежаните за Финците. Сакаме да им дадеме нешто многу убаво додека слават 100 години како слободна држава, објаснува Гир Харсон.
На оваа идеја се согласил и Свејн Одвар Леирос, градоначалникот на Кафјорд, каде што е лоциран врвот, кој сака ова да стане пример за земјите да престанат да се расправаат за националните граници.