Владата утре ќе објави нов пакет мерки за привлекување странски инвестиции кои, како што рече премиерот Зоран Заев, претежно ќе биде наменет за нови инвеститори, но ќе се однесува и за старите.
Измените во новиот пакет ќе бидат во насока на поголемо стимулирање на компаниите што повеќе вложуваат во развојот, а тоа, како што кажа, ќе се контролира од завршната сметка. Ги повика странските инвеститори во наредниов период да помогнат во изнаоѓање решенија за од Нова година да почнат да функционираат новите мерки.
Стимулација, како што кажа, ќе има и за зголемување на извозот на компаниите и вети барање на секакви начини за да се намалат административните бариери и инвеститорите своето внимание да го насочат кон развој и создавање на профит.
Претставникот на Германската стопанска комора Патрик Мартенс по средбата со Заев, нагласи дека Комората во наредниот период ќе биде фокусирана на подобрување на стручното образование во земјава и додаде дека наскоро во Македонија ќе дојдат инструктори кои ќе вршат обука во претпријатијата со цел да се создаде стручна работна сила.