Австралискиот тенисер со непристојно однесување на Мастерсот во Шангај
https://www.youtube.com/watch?v=VOGYcHZanX4
Ново скандалозно однесување од Ник Кирјос на тениските терени. Од австралискиот тенисер јавноста како да навикна да очекува непристојни потези само што овојпат не знаеше за граница ниту кога е време да запре со глупостите.
Кирјос имаше негатива од 1:3 во мечот со Александер Зверев на Мастерсот во Шангај кога одеднаш почна со изведување во негов стил. Најпрво сервираше ноншалантно по што веднаш се упати кон клупата.
Веднаш следуваше реакција од судијата ко за време на паузата го предупреди со зборовите „не можеш вака да играш, ова е аматерски турнир“. Тоа, наместо да го „олади“ Кирјос, само дополнително го изневира, па арогантно му возврати „можеш ли да кажеш дека е време да продолжиме и да си одам дома“.
Меѓутоа Австралиецот не застана тука. Отвори фронт и со публиката што плати скапи влезници за уживање во елитен тенис. Незадоволни од неговото однесување на теренот, почнаа да реагираат од трибините.
„Седи тука и ќути“, се обрати кон еден од гледачите во најблискиот ред до теренот во еден момент од мечот. Подоцна се обиде да се „извади“ за непримерниот однос со што навлече само дополнитено гнев.
„Не должам никому ништо. Зошто купиле билети? – Кој ги терал? – Тоа бил нивни избор“, рече Кирјос закрај на неговиот циркус на кинескиот Мастерс.