Новак Ѓоковиќ ја загуби титулата во Париз, го загуби првото место на АТП листата, а сега постои можност да го пропушти и завршниот Мастерс во Лондон што почнува наредната недела и предвреме да ја заврши сезоната.
Шокантната вест за неговите фанови ја објави британскиот новинар Сајмон Бригс. Ја сподели на Твитер и како причина за таквата можност во најава ја наведе повредата на десната дланка. Тоа е истата незгода што го оневозможи за подолг престој и на олимписките игри во Рио де Жанеиро, сега може да биде проблем и за учество на Ѓоковиќ во англиската престолнина.
Турнирот на осумте најдобри во сезоната во „О2“ арената во Лондон почнува на 13 ноември. Ѓоковиќ би требало да ја брани титулата, дали веста на Бригс е точна или не, засега нема никаква реакција од таборот на српскиот тенисер.