Авганистаниски патнички авион од типот „боинг“ се урна во провинцијата Газни што е под контрола на Талибанците и засега нема официјални информации за жртви. Ариф Нури, портпарол на гувернерот на провинцијата што се наоѓа во централниот дел на Авганистан изјави дека несреќата се случила околу 13 часот по локални време и наведе дека со падот дошло од технички причини.
Во леталото, според некои медиуми, се наоѓале 110 патници и се додава дека полетал од Херат, трет град по големина во Авганистан, кон Делхи. Дел од агенциите, пак, известуваат дека во авионот имало 83 патници и членови на екипажот.
Официјални лица соопштија дека авион припаѓал на компанијата „Аријана“ која е во државна сопственост. Нејзиниот директор, пак, негира за пад на летало од флотата.