Нови 1.166 случаи на Ковид-19 од направени 6.458 тестирања се регистрирани во изминатите 24 часа. Починати се 29 лица. Бројот на активни случаи е 12.673.

Според податоците што попладнево ги објави Министерството за здравство, најголем број новозаболени има во Скопје – 375 по што следуваат Тетово – 159 и Гостивар – 105. Двоцифрен број на новозаболени има во Струмица – 76, Струга – 75, Охрид – 53, Куманово – 44, Кичево – 43, Штип – 24, Кавадарци – 23, Велес – 22, Кочани – 18, Битола и Свети Николе – по 17, Радовиш – 16, Прилеп – 14, Дебар – 12, Ресен и Пробиштип – по 11 и Гевгелија – 10.

Во Крива Паланка регистрирани се осум нови случаи, во Неготино – 6, во Крушево и Македонски Брод – по 5, во Делчево и Валандово – по 4, во Берово и Виница – по 3 и во Богданци, Кратово и Македонска Каменица  – по 1.

Од починатите пациенти, шест лица се од Тетово –  (37г,42г,57г,64г,73г, и 81г), пет од Струга (64г,67г,70г,76г и 77г), четворица од Скопје (47г,55г,69г и 79г),  по тројца од Гостивар (54г,71г и 81г), Куманово (52г,63г и 80г) и Струмица (66г,74г и 82г), и по едно починато лице од Кичево (80г), Битола (57г), Велес (54г), Македонска Каменица (58г) и Пехчево (67г). Сите се починати во болнички услови.

Регистрирани сe 232 оздравени пациенти.

Вкупната бројка на Ковид-дијагностицирани во земјава од почетокот на пандемијата изнесува 171.576. Бројката на оздравени пациенти е 153.148, а на починати 5.755.