Неколку силни експлозии се слушнаа во областа Дубаи во Обединетите Арапски Емирати и над катарскиот главен град Доха утрово, втор ден по ред, објави Ројтерс, повикувајќи се на очевидци.
Откако САД и Израел започнаа напади врз Иран, Техеран започна масовни одмазднички напади врз Израел и цели поврзани со САД низ регионот на Блискиот Исток.
Четири лица се повредени во саботата во инцидент што се случи на меѓународниот аеродром во Дубаи, соопшти прес-службата на аеродромот.
Исто така, ирански дрон го погоди луксузниот хотел Бурџ Ал Араб во Дубаи, кој се наоѓа на вештачки остров.
Според видеата на социјалните мрежи, по нападот во хотелот избувнал пожар.
Катарската туристичка организација во објави дека сите јавни настани и собири во земјата се откажани во интерес на јавната безбедност поради тековниот напад врз Иран од страна на Соединетите Американски Држави и Израел и одмаздничките напади на Иран врз американски и израелски цели во регионот.